شخشوخة الظفر

الشخشوخة الجزائرية تختلف من منطقة إلى أخرى هناك شخشوخة تشتهر بها مدينتي العزيزة قسنطينة اسمها شخشوخة الظفر فعلا طبق رااائع طبعا على حسب اليدين


المهم اليكم المقادير و الطريقة اللي نعتمدها



المقادير
1 كغ من الشخشوخة (تتباع فالحوانت )
فخوذ و صدور دجاج من المستحسن استعمال الدجاج و ممكن استعمال اللحم
بصلة كبيرة مفرومة
كمية من الحمص كمية كبيرة نوعا ما
ملعقة سمن
حبة طماطم مفرومة
ملعقة إلى 2 طماطم علب
ملعقتين كبيرتين زيت
فلفل أسود + قرفة + شوي كروية
ملح و حار


نقلي الدجاج و الملح في الزيت ثم نضيف البصل و نقلي قليلا ثم نضيف الطماطم المفرومة نقلي جيدا مع الحمص و نمرق بعدها نضيف الطماطم المصبرة نغطي القدر و نتركها تنضج
في الأثناء نجهز الشخشوخة ندهن الشخشوخة بقليل من الزيت ثم نضعها في الكسكاس فوق المرق اللي رانا نحضرو فيه بعدها لما تفور ننزعها و نرشها بكمية من المرق اللي حضرناه حوالي كأس و نص ثم نعيدها للتبخر فوق القدر بعدها نزيد مرة 2 و 3 نفس الطريقة ثم نزيلها من فوق القدر نقوم بحلها مع كمية من الزبدة .
عندما يطهى الدجاج و الحمص ننزعم مع كمية قليلة من المرق و نضعهم جانبا ، نضع الشخشوخة فوق الباقي من المرق بحيث يكون مستوى المرق أعلى من الشخشوخة بحوالي 2 سم نتركها فوق نار هادئة حتى تتشرب الشخشوخة المرق مع إظافة فلفل أخضر حار نطفي النار و نغطي القدر بعد وضع قليل من الزبدة في وسط الشخشوخة بإنتظار تقديمها في صحن مقعر قليلا تزين بالحمص و اللحم و البيض المسلوق


و تاكلوا بالصحة و الهناء اممممممممممم


اترككم مع الصورة




والله كون تاكلوها تاكلوا صباعكم معاها